பன் பட்டர் ஜாம் – இளையர்களின் காதலும், நட்பும் குறும்பும் கலந்த பனிக்கூழ்!
கல்லூரி மாணவர் ராஜு (ராஜு) தனது தோழி பவ்யா ட்ரிகாவை காதலிக்கிறார். ஆனால் அவரது அம்மா (சரண்யா பொன்வண்ணன்) ராஜுவை பக்கத்து வீட்டு ஆதியாவுடன் திருமணம் செய்ய விழைகிறார். ஆதியா (ஆதியா) விஜே பப்புவை காதலிக்கிறார். இதற்கிடையே, ராஜுவின் நெருங்கிய நண்பன் மைக்கேல் காதலில் ஏற்பட்ட மனமுடைந்த நிலை காரணமாக ராஜுவிடமிருந்து விலகுகிறார்.
இந்தச் சூழலில், ராஜுவின் காதல் வெற்றிபெற்றதா? இளையர்கள் இன்று காதல், நட்பு, பெற்றோர் விருப்ப திருமணம் ஆகியவற்றை எவ்வாறு எதிர்கொள்கிறார்கள் என்ற கோணத்தில் படம் நகர்கிறது.
நாயகனாக ராஜு எளிமையாகவும் நகைச்சுவையோடும் நடித்து கவனம் ஈர்க்கிறார். எனினும், திரைக்கதையின் ஓட்டத்தில் ஒரு கட்டத்தில் முக்கியத்துவம் இழந்து காணாமல் போவது பார்வையாளர்களுக்கு ஏமாற்றமாகவே இருக்கிறது.
பவ்யா ட்ரிகா அழகு, நடனம், நடிப்பில் கவனம் ஈர்க்க, ஆதியா தனது உற்சாகமான நடிப்பின் மூலம் கதைக்குப் புதிய உயிர் ஊட்டுகிறார். விஜே பப்பு தனது காட்சிகளில் சிரிப்பை கிளப்புகிறார். மைக்கேலும் தனது நடிப்பில் சிறந்து விளங்குகிறார்.
அனுபவம் வாய்ந்த சரண்யா பொன்வண்ணன், தேவர்தர்ஷினி மற்றும் சார்லி, தங்களுக்கே உரித்தான நடிப்பை வழங்கினாலும், சில இடங்களில் ஓவராகவும், சலிப்பாகவும் தோன்றுகிறது.
விக்ராந்த் சிறிய வேடத்தில் மாஸ் இருக்கைக் காண்பிக்கிறார். நிவாஸ் கே. பிரசன்னாவின் இசை, பாடல்களிலும், பின்னணி இசையிலும் இளமையை பிரதிபலிக்கிறது. ஒளிப்பதிவாளர் பாபு குமார் படத்தை வண்ணமயமாக காட்சிப்படுத்துகிறார்.
இயக்குநர் ராகவ் மிர்தாத் இன்றைய இளைய தலைமுறை சந்திக்கும் காதல், நட்பு, பெற்றோர் விருப்ப திருமணம் போன்றவைகளை மையமாக வைத்து கதை அமைத்துள்ளார். ஆனால், சில காட்சிகளும் வசனங்களும் 16+ என உணர்த்தினாலும், அவசியமில்லாத இரட்டை அர்த்தங்கள், வலுக்கட்டிய காமெடி போன்றவை பலரை தொந்தரவு செய்யக்கூடும்.
பல இடங்களில் பழைய பாணியின் கதையாக்கமும், பாடங்களாக பேசும் வசனங்களும் நவீன பார்வையாளர்களுக்கு முற்றிலும் இணக்கமற்றதாகவும் தோன்றும். இது, “நல்ல உள்ளடக்கம் இருந்தும் கையாளும் விதத்தில் தவறு நடந்தது” என்று கூற வைக்கும். இருப்பினும், எதிர்பாராதவிதமான கிளைமாக்ஸ் சிறிதளவுக்கு திருப்தியை அளிக்கிறது.
முடிவில், பனியில் ஐஸ்கிரீம் போட்டு கலக்கிய பன் பட்டர் ஜாம் போலவே, இந்த படம் காதல், நட்பு, நகைச்சுவை அனைத்தையும் கலந்து கொடுக்க முயன்றாலும், தேவையற்ற சிக்கல்களால் முழுமையாக ரசிக்க முடியாத நிலையைக் ஏற்படுத்துகிறது.
மதிப்பீடு: ★★★☆☆ (3/5)