மேட் இன் கொரியா விமர்சனம்
நாயகி பிரியங்கா மோகன் ஊட்டியில தன்னோட அப்பா அம்மா கூட வாழ்ந்துட்டு இருக்காங்க.. இவங்களுக்கு கொரியா போகணும் அப்படிங்கறதுதான் வாழ்நாள் லட்சியம்.. இவங்களுக்கு ஒரு காதலும் இருக்கு.. இவங்க காதலுக்கு அப்பா எதிர்ப்பு தெரிவிக்கவே ஊரை விட்டு ஓடிப்போறாங்க.. நாம ரெண்டு பேரும் கொரியா போலாம்னு சொல்ற காதலன் இவங்கள மட்டும் கொரியாவுக்கு அனுப்பிட்டு நாயகியோட பணத்தோட லவ்வர் எஸ்கேப் ஆகிடுறாரு.. தன்னந்தனியாக மொழி தெரியாத நாட்டுல சிக்கிக்கிட்ட நாயகிக்கு கிடைக்குற அனுபவங்கள் தான் இந்த படம்…
நித்தம் ஒரு வானம் படம் மூலமா கவனிக்க வெச்ச ரா.கார்த்திக் இந்த படத்த எடுத்திருக்காரு.. ஒரு பெண் தன்னோட கனவுகள சுமந்து கிட்டு மொழி தெரியாத நாட்டுல அனுபவிக்குற பயணங்கள இந்த படத்துல அழகா சொல்லியிருக்காரு.. கூடவே பாசம், லட்சியம், மனித உணர்வுகள், நட்பு என அனைத்தையும் உணர்வுப்பூர்வமா சொல்லியிருக்காரு.
முதன்மை வேடத்துல நடிச்சிருக்கற பிரியங்கா மோகன் அருமையான நடிப்பை கொடுத்திருக்காங்க.. பாசம், குறும்பு, லட்சியம், ஏமாற்றம், வைராக்கியம் என எல்லாத்தையும் வெளிப்படுத்த கேரக்டர். அதுக்கு தன்னோட நடிப்பால நியாயம் செஞ்சிருக்காங்க.. ஆனா சில இடங்கள்ல மிகை நடிப்பா தெரியுறது கொஞ்சம் ஏமாற்றம்.. கொரியால போய் தனக்கு தெரிஞ்ச இங்லீஷ்ல பேசி சிரிக்க வெச்சிருக்காங்க.. இவங்களுக்கும் கொரியா பாட்டிக்குமான பிணைப்பு சூப்பரா இருக்கு..
படத்துல நடிச்ச மற்ற கொரியன் நடிகர்களும் தங்களோட நல்ல நடிப்ப கொடுத்திருக்காங்க.. லவ்வரா வர்ற ரிஷிகாந்த், ஜென்சன் திவாகர் உள்ளிட்டவங்களும் படத்துக்கு தேவையான பங்களிப்பை பண்ணிருக்காங்க..
பிரசன்ன குமாரோட ஒளிப்பதிவுல ஊட்டியோட அழகும் கொரியாவோட அழகும் கண்களுக்கு விருந்தா இருக்கு. ஹசீம் அப்துல் வகாபோட மியூசிக்ல பாடல்கள் மற்றும் பின்னணி இசை நல்லாவே இருக்கு..
தமிழ்நாட்ல இருந்து மொழி தெரியாத நாட்டுக்கு போகுற பெண்ணோட அனுபவங்கள எமோஷனல் கலந்து காமெடியாக சொல்லியிருக்காரு இயக்குனர் ரா.கார்த்திக்.. தாய் கிழவி படத்துல வர்ற மாதிரியே பெண்கள் தனியாக, சுதந்திரமாக வாழ சுய மரியாதையோட தங்களுக்கு பிடிச்சதை செய்யும் உரிமையை இந்த படம் பேசுகிறது.. மொழி தெரியாம இருந்தாலும் உணர்வுகள் ஒன்றுதான் அப்படின்னு அழகா புரிய வெச்சிருக்காங்க..